Түрк мамлекеттер уюмунун (ТМУ) Башкы катчысы, Элчи Кубанычбек Өмүралиев 2025-жылдын 15-ноябрында Өзбекстанга болгон иш сапарынын алкагында, Ташкент шаарында Нордик Эл аралык Университетинин (НЭУ) жетекчилигинин чакыруусу менен аталган университетке барды.

Зыярат маалында Башкы катчы Өмүралиев НЭУнун Камкорчулар кеңешинин төрагасы Алишер Жураев жана университеттин ректору доктор Шерзод Мустафакулов менен жолугушууларды өткөрдү.

Башкы катчы НЭУнун жакында Түрк Университеттер Биримдигине (ТУБ) мүчө болгондугу менен жетекчиликти куттуктап, 2025–2026-жылдар үчүн ТУБга төрагалык кылып жаткан Ташкент Эл аралык университети (ТЭУ) менен тыгыз кызматташтыкты өнүктүрүүгө чакырды.

Белгилүү болгондой, НЭУ 2025-жылдын 15-октябрында Ташкентте өткөн ТУБдун 8-жалпы жыйынында Биримдикке мүчө болуп кабыл алынган.

Жолугушууда тараптар билим берүү тармагындагы кызматташууну кеңейтүү жана түрк мамлекеттеринин ортосундагы академиялык өнөктөштүктү бекемдөө мүмкүнчүлүктөрүн талкуулашты. Айрыкча ТУБдун Орхун алмашуу программасынын алкагында биргелешкен долбоорлорду жана программаларды ишке ашыруу боюнча өз ара макулдашууга жетишилди.

НЭУ тарабынан ишке ашырылып жаткан бир катар долбоорлор Башкы катчыга сунушталып, тараптар жакынкы келечекте билим берүү багытындагы демилгелерди өнүктүрүү жана жүзөгө ашыруу боюнча кызматташууга даяр экендиктерин билдиришти.