Түрк мамлекеттер уюмунун (ТМУ) Башкы катчысы, Элчи Кубанычбек Өмүралиев 2025-жылдын 13-ноябрында 2025–2026-жылдарга карата Түрк Университеттер Биримдигинин (ТУБ) Төрагалыгын аркалап жаткан Ташкент Эл аралык Университетине (ТЭУ) барды.

Сапардын алкагында Элчи Өмүралиев ТЭУнун ректору Искандар Юлдашев менен жолугушуп, университеттин ТУБтун төрагалыгын натыйжалуу жүргүзүүсүнө жана түрк университеттерининин ортосундагы академиялык кызматташтыкты чыңдоосуна багытталган маселелерди талкуулашты.

Мындан тышкары, ТУБтун жаңы расмий веб-сайты Башкы катчыга таанытылып, тараптар сайт жакынкы күндөрү ишке киргизилиши боюнча макулдашышты.

Белгилеп кетсек, ТЭУ 2025-жылдын 15-октябрында Ташкентте ТУБтун 8-жалпы жыйынын уюштуруу менен бирге түрк дүйнөсүндө билим берүү чөйрөсүндөгү кызматташтыкты чыңдоодо маанилүү баскычка жеткен.