Түрк мамлекеттер уюмунун (ТМУ) Башкы катчысы Элчи Кубанычбек  Өмүралиев Өзбекстанга болгон сапарынын алкагында Ташкент мамлекеттик Чыгыш таануу университетине барды. 

Сапар учурунда Башкы катчы Кубанычбек Өмүралиев Ташкент мамлекеттик Чыгыш таануу университетинин ректору Гүлчехра Рихсиева менен жолугушту. Жолугушууда билим берүү тармагындагы кызматташтыкты кеңейтүү жана түрк мамлекеттери арасындагы академиялык өнөктөштүктү чыңдоо маселелери талкууланды.

Тараптар түрк мамлекеттери арасындагы билим берүү кызматташтыгын өркүндөтүүнүн маанилүүлүгүн белгилеп, Түрк университеттери биримдиги жана Орхун тажрыйба алмашуу программасынын алкагында биргелешкен долбоорлордун жана программалардын санын көбөйтүү боюнча макулдашышты.

Башкы катчы ошондой эле «Түрк мамлекеттер уюмунун алкагындагы кызматташтыктын учурдагы абалы жана өнүгүү перспективалары» аттуу лекция өткөрдү. Лекцияда түрк мамлекеттери ортосундагы мамилелерди тереңдетүүдө билим берүү жана маданият тармактарындагы кызматташтыктын өсүп жаткан ролуна басым жасалды.