Түрк мамлекеттер уюмунун (ТМУ) Башкы катчысы, Элчи Кубанычбек Өмүралиев 2025-жылдын 5-ноябрында Мексикага болгон иш сапарынын алкагында айыл чарба изилдөөлөрү жана инновациялар тармагындагы кызматташууну чыңдоо максатында Эл аралык жүгөрү жана буудайды өнүктүрүү борборуна (CIMMYT) барып, Башкы директору доктор Брам Говаэртс менен жолугушуу өткөрдү.

Жолугушууда тараптар айыл чарба жаатындагы инновация, азык-түлүк коопсуздугу жана туруктуу өнүгүү боюнча кызматташуунун багыттарын талкуулап, Өз ара түшүнүшүү меморандумунун ишке ашырылышы үчүн «Жол картасын» даярдоо жана Мүчө мамлекеттерге иш жүзүндө пайда алып келе турган биргелешкен иш багыттарын аныктоо боюнча макулдашышты.