Түрк мамлекеттер уюмунун (ТМУ) Башкы катчысы, Элчи Кубанычбек Өмүралиев Мексика Бириккен Штаттарына жасаган иш сапарынын алкагында 2025-жылдын 6-ноябрында Мексиканын Тышкы иштер министрлигинин Африка, Борбордук Азия жана Жакынкы Чыгыш боюнча Башкы директору, элчи Анибал Гомес Толедо менен жолугушуу өткөрдү.

Жолугушууда тараптар билим берүү, маданият, туризм, жаштар, спорт, инновация жана жарандык коргоо сыяктуу тармактарда Мексика менен ТМУга мүчө мамлекеттердин ортосундагы кызматташтыкты өнүктүрүү мүмкүнчүлүктөрүн талкуулашты. Ошондой эле, ТМУнун Катчылыгы менен Мексиканын Тышкы иштер министрлигинин ортосунда саясий консультациялар механизмин түзүү жана келечектеги кызматташтык үчүн негиз боло турган Өз ара түшүнүшүү жөнүндө меморандум даярдоо мүмкүнчүлүгү боюнча пикир алмашуу болду.