Түрк мамлекеттер уюмунун (ТМУ) Башкы катчысы, Элчи Кубанычбек Өмүралиев Мексикага иш сапары менен барып, жогорку деңгээлдеги жолугушууларды өткөрдү. Ошондой эле иш сапардын алкагында өкмөт өкүлдөрү, эл аралык уюмдардын жетекчилери жана дипломатиялык өкүлчүлүктөр менен жолугушууларды өткөрдү. 

Бул сапардын маанилүү жыйынтыктарынын бири — айыл чарба изилдөөлөрү, инновациялар жана азык-түлүк коопсуздугу тармактарында кызматташууну бекемдөө максатында CIMMYT (Буудай жана жүгөрү боюнча эл аралык өнүктүрүү борбору) менен Өз ара түшүнүшүү жөнүндө Меморандумга кол коюу болду.