Türk Dövlətləri Təşkilatının (TDT) Baş katibi, səfir Kubanıçbek Ömüralıyev 22 noyabr 2025-ci il tarixində İstanbulda təşkil olunmuş Türk Dövlətləri Ali Audit Qurumlarının 1-ci Toplantısında açılış nitqi ilə çıxış edib.

Çıxışında səfir Ömüralıyev Ali Audit Qurumlarının Türk Dünyasında şəffaflığın, hesabatlılığın və yaxşı idarəçiliyin təşviqində oynadığı mühüm rolu vurğulayıb. Baş katib TDT-nin Üzv və Müşahidəçi Dövlətləri arasında bu sahədə institusional əməkdaşlığın gücləndirilməsinin əhəmiyyətini qeyd edib.

Baş katib, audit qurumları arasında koordinasiyanın artırılmasının Türk Dövlətləri arasında dayanıqlı inkişafın, iqtisadi möhkəmliyin və daha dərindən inteqrasiyanın təmin olunmasına töhfə verəcəyini bildirib. O, həmçinin TDT-nin birgə potensialın artırılması təşəbbüslərinə, yaxşı təcrübələrin paylaşılmasına və beynəlxalq normalara uyğun ortaq standartların işlənib hazırlanmasına dəstək göstərməyə hazır olduğunu bir daha diqqətə çatdırıb.

İştirakçılar dövlət sektoru auditi sahəsində əməkdaşlığın irəlilədilməsinə dair TDT-nin qətiyyətini məmnunluqla qarşılayaraq, öz aralarındakı əməkdaşlığın institusional əsaslarının möhkəmləndirilməsi istiqamətində iradələrini ifadə ediblər.

Toplantının əsas nəticələrindən biri Türk Dövlətləri Ali Audit Qurumları Birliyinin (TURKSAI) yaradılmasına dair Bəyannamənin imzalanması olub.