Түрікменстанның Тұрақты бейтараптық мәртебесінің 30 жылдығына орай Түрікменстан Үкіметіне және бауырлас түрікмен халқына ең шынайы және жылы құттықтауларымды жолдаймын.
Халықаралық аренада кеңінен мойындалған әрі өңірлік тұрақтылыққа, жаһандық бейбітшілікке және жан-жақты ынтымақтастықты дамытуға елеулі үлес қосып келе жатқан Түрікменстанның бейтараптығы — елдің бейбіт қатар өмір сүру және диалог қағидаттарына деген берік ұстанымын көрсетеді. Соңғы отыз жылда Түрікменстан өз сыртқы саясатында өзара құрмет, тату көршілік және халықаралық серіктестік құндылықтарын тұрақты түрде дәріптеп, әлемдік қауымдастықтың жоғары бағасын иеленді.
Түрікменстан біздің ұйым аясындағы ынтымақтастық пен өзара қолдауды нығайту бағытында да маңызды әрі белсенді рөл атқарып келеді. Байланыстылықты арттыру, тұрақты дамуды қолдау, сондай-ақ экономикалық және гуманитарлық бастамаларды ілгерілетуге қосқан үлесі ортақ ынтымақтастық күн тәртібін байыта түсуде.
Осы мағыналы мерейтой қарсаңында бауырлас Түрікменстан халқына тағы да ең ықыласты құттықтауларымды білдіремін. Елге тұрақты бейбітшілік, өркендеу және амандық тілеймін.
Елші Кубанычбек Омуралиев
Түркі мемлекеттері ұйымының Бас хатшысы
