Түркі мемлекеттері ұйымының (ТМҰ) Бас хатшысының орынбасары доктор Мирвохид Азимовтың басшылығындағы сайлауды байқау жөніндегі халықаралық миссия 2025 жылғы 30 қарашада өтетін Қырғыз Республикасының Парламентіне кезектен тыс сайлауын бақылау қызметіне кірісті.

Миссия Қырғыз Республикасынан тыс орналасқан мүше мемлекеттердің Орталық сайлау комиссияларының (ОСК) өкілдерінен және ТМҰ Хатшылығының лауазымды тұлғаларынан құралған.

2025 жылғы 27 қарашада миссия өкілдері Қырғыз Республикасының Орталық сайлау комиссиясының төрағасы Тынчтык Шайназаровпен кездесу өткізді. Аталмыш кездесуде миссия өкілдеріне сайлау жұмыстарын дайындау және өткізуге қатысты құқықтық әрі әкімшілік мәселелер жөнінде ақпарат берілді.

Сондай-ақ, миссия өкілдері сайлау науқанының барысы мен кандидаттардың дайындық жұмыстары туралы тікелей ақпарат алу мақсатында сайлауға қатысушы кандидаттармен мазмұнды кездесулер өткізді.