16 dekabr 2025-ci il tarixində Vaşinqton şəhərində Türk Dövlətləri Təşkilatının (TDT) Baş Katibi Kubanıçbek Ömüraliyev regional inkişaflar və formalaşmaqda olan qlobal tendensiyalar barədə fikir mübadiləsi aparmaq məqsədilə Hudson İnstitutunun Prezidenti və Baş İcraçı Direktoru Con Uolter ilə görüş keçirmişdir.

Görüş zamanı Baş Katib TDT-nin siyasi dialoq, iqtisadi inteqrasiya və bağlantısallıq təşəbbüsləri sahələrində artan fəallığını vurğulamışdır.

Hudson İnstitutunun Prezidenti Con Uolter TDT-nin getdikcə dərinləşən rolunu məmnunluqla qarşıladığını bildirərək, institutun TDT ilə analitik mübadilənin genişləndirilməsinə və strukturlaşdırılmış dialoqun qurulmasına böyük maraq göstərdiyini qeyd etmişdir.

Tərəflər geoiqtisadiyyat, enerji məsələləri və Türk dünyasının uzunmüddətli inkişaf potensialı ətrafında müzakirələr aparmışlar. Görüşdə TDT Katibliyi ilə Hudson İnstitutu arasında dialoqun gücləndirilməsinin əhəmiyyətinə xüsusi diqqət yetirilmişdir.