2025 жылғы 2 маусымда Ыстанбұл қаласындағы Түркі мемлекеттері ұйымы (ТМҰ) Хатшылығы ғимаратында ТМҰ Бас хатшысы Құрметті Кубанычбек Омуралиев Өзбекстан Республикасының Түркия Республикасындағы Елшісі қызметін аяқтаған және Өзбекстан Республикасы Парламентінің Халықаралық істер жөніндегі Сенат комитетінің төрағасы болып тағайындалған Құрметті Елші Алишер Агзамходжаевты қабылдады.

Кездесу барысында тараптар ТМҰ аясындағы көпжақты ынтымақтастықты одан әрі дамыту перспективалары бойынша пікір алмасты.

Бас хатшы Құрметті Елші Алишер Агзамходжаевты жаңа лауазымымен құттықтап, алдағы қызметінде табыс тіледі.