Maqsadlar

Ajdodlarimiz tarixda buyuk sivilizatsiyalar asoschisi bo‘lgan va bizga boy madaniy hamda ilmiy merosni qoldirishgan. Turk olimlari va mutafakkirlari matematika, fizika, astronomiya va geografiya kabi sohalarda jahon ilm-faniga katta hissa qo‘shgan. Kartografiya ham bundan mustasno emas — u ham aynan Turk dunyosida vujudga kelgan va rivojlangan.

XI asrda yashagan buyuk ajdodimiz, ensiklopedik olim Mahmud Qoshg‘ariy o‘zining “Devonu lug‘otit turk” asarida turk xalqlarining tarixi, turmush tarzi va madaniyati haqida qimmatli ma’lumotlar bergan hamda bu kitobiga qadimgi dunyoning ilk xaritalaridan birini ilova qilgan.

Dunyo miqyosida tan olingan yana bir turk olimi va kartografi — XVI asrda Usmonli imperiyasi davrida yashagan Piri Reis hisoblanadi. Uning xaritasi Janubiy va Shimoliy Amerikani nisbatan aniq ko‘rsatgan ilk xaritalardan biri sifatida tanilgan. Mazkur yo‘nalishda hamkorlikni davom ettirish va rivojlantirish TDТning ustuvor yo‘nalishlaridan biridir.

Mexanizmlar

Turk tomonining tashabbusi bilan 2024-yil 30-aprel kuni Turkiy davlatlar xaritachilik bo‘yicha ishchi guruhining birinchi yig‘ilishi videokonferensiya shaklida o‘tkazildi va barcha tomonlar ushbu sohada hamkorlik platformasining tashkil etilishini mamnuniyat bilan qabul qildilar.

OTS doirasida Turkiy davlatlarning xaritachilik muassasalari rahbarlarining 1-yig‘ilishi 2024-yil 30-sentabr – 1-oktabr kunlari Anqara shahrida bo‘lib o‘tdi va uning natijasida yana bir yangi hamkorlik mexanizmi – Turkiy davlatlar xaritachilik muassasalari o‘rtasidagi hamkorlik platformasi tashkil etildi.