Turkiy Akademiya, Turkiy Davlatlar Tashkiloti (TDT) Kotibiyati ko‘magida “Turkiy Davlatlarda Oziq-ovqat Xavfsizligi va Barqaror Taraqqiyot” nomli keng qamrovli hisobotni chop etdi.
Ushbu 2024-yilgi hisobot TDTga a’zo davlatlar – Ozarbayjon, Qozog‘iston, Qirg‘iziston, Turkiya va O‘zbekiston – bo‘yicha oziq-ovqat xavfsizligi bilan bog‘liq muammolar hamda barqaror rivojlanish imkoniyatlarini chuqur tahlil qiladi. Hisobotda oziq-ovqat xavfsizligi, qishloq xo‘jaligi savdo dinamikasi, iqlim o‘zgarishining ta’siri, agrosanoat savdosida raqamlashtirish va Barqaror Taraqqiyot Maqsadlariga (SDG) muvofiqlik kabi muhim mavzular yoritilgan.
Har bir a’zo davlatning agrosanoat sohasi bo‘yicha alohida profili orqali hisobot qishloq xo‘jaligi mahsuldorligi, savdo muvozanati va oziq-ovqat narxlarining qulayligi kabi yo‘nalishlarda asosli tahlillarni taqdim etadi. Shuningdek, mintaqaviy hamkorlik, texnologik taraqqiyot va iqlim o‘zgarishiga qarshi chidamlilikni oshirish bo‘yicha strategiyalar ilgari suriladi. Nashrda “Turk Dunyo 2040” tasavvuri asosida barqaror qishloq xo‘jaligi amaliyotlarini rivojlantirish zarurligiga alohida urg‘u berilgan.
Mazkur hisobot siyosatchilar, tadqiqotchilar va oziq-ovqat xavfsizligi hamda barqaror rivojlanishga mas’ul bo‘lgan barcha manfaatdor tomonlar uchun muhim manba hisoblanadi. Hisobotni quyidagi havola orqali to‘liq ko‘rishingiz mumkin:

Turkiy Davlatlarda Oziq-ovqat Xavfsizligi va Barqaror Taraqqiyot