17-dekabr kuni Qirg‘iziston Respublikasining Manas shahrida “Manas – 2025 Turkiy dunyo turizm poytaxti”ning yopilish marosimi bo‘lib o‘tdi. Marosimda Manas shahri hokimi janob Ernisbek O‘rmoqov, Anqara voliyisi o‘rinbosari janob Izzettin Sevgili, Turkiy davlatlar tashkiloti (TDT) Bosh kotibi o‘rinbosari Dr. Mirvohid Azimov va 200 dan ortiq mehmonlar ishtirok etishdi.

Marosimda so'zlagan nutqida Bosh kotib o'rinbosari Dr.Azimov Qirg'iziston hukumati va Manas shahri aholisini Turk dunyosi turizm poytaxti nomi ostida madaniy, turizm va targ'ibot tadbirlariga boy yilni muvaffaqiyatli yakunlagani bilan tabrikladi. Shuningdek, Dr. Azimov,  Qirgʻiziston Respublikasi hukumati va mahalliy maʼmuriyatlarga  yil davomida oʻtkazilgan tadbirlarni samarali va muvaffaqiyatli tashkil etganliklari hamda koʻrsatilgan mehmondoʻstlik uchun oʻz minnatdorchiligini bildirdi.

Dr. Azimov soʻz soʻngida 2026-yil uchun Turk dunyosi turizm poytaxti unvoni Anqaraga oʻtkazilishini maʼlum qildi. U Anqaraning boy tarixiy merosi va zamonaviy qarashlari ushbu tashabbusning nufuzi va ta’sirini yanada oshirishiga ishonch bildirdi.

Marosim davomida, Turk dunyosi turizm poytaxtining ramziy kaliti rasman Manasdan Anqaraga berildi.