Qirgʻiziston Respublikasi Prezidenti janob Sadir Japarov 1-dekabrda Jo’g’o’rqu Keneshning (Parlament) navbatdan tashqari saylovlarini kuzatgan xalqaro saylovlarni kuzatish komissiyalari rahbarlarini qabul qildi.
Uchrashuv davomida Prezident kuzatuv kommissiyalarining mavjudligi va konstruktiv hissasidan mamnunligini aytib, ularga saylov jarayonining shaffofligi va ishonchliligini qoʻllab-quvvatlashda yordam berganlari uchun minnatdorchilik bildirdi. Prezident Sadir Japarov bu xalqaro kuzatuv demokratik institutlarni mustahkamlashga va saylovlarga jamoatchilik ishonchini oshirishga hissa qoʻshishini taʼkidladi o’tdi.
Turkiy davlatlar tashkiloti (TDT) bosh kotibi oʻrinbosari Dr. Mirvohid Azimov Prezidentga TDT kuzatuv komissiyasining natijalari haqida maʼlumot berdi. Uning soʻzlariga koʻra, Ozarbayjon, Qozogʻiston, Turkiya, Oʻzbekiston vakillaridan iborat komissiya Bishkekdagi saylov jarayonini kuzatgan. U saylovlar milliy qonunchilikka muvofiq, tinch va tartibli muhitda hamda raqobatbardoshlik, adolatlilik, inklyuzivlik va tenglik kabi xalqaro miqyosda tan olingan tamoyillar doirasida oʻtkazilganini taʼkidladi. Shuningdek u barcha darajadagi saylov komissiyalarining professional faoliyati va Qirgʻiziston Respublikasi Markaziy saylov va referendum komissiyasining xalqaro kuzatuvchilar uchun shaffoflik, axborotga kirish va ochiqlikni taʼminlash borasidagi saʼy-harakatlari uchun minnatdorchilik bildirdi.
Dr. Azimov shuningdek, Qirgʻiziston Respublikasining Tashkilot doirasida koʻp tomonlama hamkorlikni rivojlantirishdagi muhim rolini taʼkidlab, Qirgʻizistonning amaldagi raisligi integratsiya jarayonlariga yangi turtki berganini va umumiy Turkiy platformasini mustahkamlashga katta hissa qoʻshganini ham alohida e’tirof qilib o’tdi.
Tomonlar Qirgʻizistonda saylov amaliyotini yanada takomillashtirish va demokratik boshqaruvni qoʻllab-quvvatlash uchun muloqot va hamkorlikni davom ettirishga sodiqliklarini yana bir bor taʼkidladilar.
