26-noyabr kuni Ostona shahrida Turkiy davlatlar tashkiloti (TDT) Bosh kotibi o'rinbosari Merey Mukajan Turkiy savdo-sanoat palatalari ittifoqi (TSSPI) Ayol tadbirkorlar kengashi Bosh assambleyasining 4-sessiyasida ochilish nutqi so'zladi.

Janob Mukajan o'z nutqida, ayol tadbirkorlarning Turkiy dunyo bo'ylab barqaror iqtisodiy o'sish, innovatsiya va mintaqaviy integratsiyani ta'minlashdagi muhim rolini ta'kidlab o’tdi. U ayol tadbirkorlar kengashini ishbilarmon ayollar o'rtasidagi hamkorlikni kuchaytirish, startaplar, kichik va o'rta biznesni qo'llab-quvvatlash hamda TDTning a'zo davlatlarida yanada inklyuziv biznes muhitini rivojlantirish borasidagi sa'y-harakatlarni yuqori baholadi.

Bosh kotib oʻrinbosari, shuningdek, TDTning ayolllar iqtisodiy imkoniyatlarini kengaytirishni Tashkilot kun tartibidagi asosiy ustuvor vazifa sifatida ilgari surishga sodiqligini tasdiqlarkan, ayollarning savdo, investitsiya va raqamli transformatsiyalarda faolroq ishtiroki mintaqaning umumiy farovonligi va barqarorligiga sezilarli hissa qoʻshishini alohida urg’ulab o’tdi.

Bosh Assambleyaning 4-sessiyasi TDTga aʼzo davlatlar va kuzatuvchilardan yetakchi ayol tadbirkorlar, biznes liderlari va tegishli muassasalar vakillarini mintaqalararo savdoni kuchaytirish, moliyalashtirish imkoniyatlarini yaxshilash hamda ayollar boshchiligidagi korxonalar oʻrtasidagi tarmoqlarni mustahkamlash boʻyicha amaliy choralarni muhokama qilish uchun bir joyga toʻpladi.