Фонддун уставы 2012-жылдын 23-августунда Бишкекте өткөн Түрк мамлекеттер уюмунун Саммитинде кабыл алынган.

Түрк маданияты жана мурасы фонду өз ишмердүүлүгүн 2015-жылдын 11-сентябрында Астанада өткөн Саммитте мамлекет башчыларынын чечимине ылайык баштаган. Фонддун Катчылыгы Азербайжан Республикасынын Баку шаарында жайгашкан. Учурда Фонддун президенти — Актоты Райымкулова. Фонддун негизги максаттары — түрк маданиятын жана мурасын коргоо, изилдөө жана жайылтуу, ошондой эле бул багыттагы иш-чараларды, долбоорлорду жана программаларды колдоо жана каржылоо. Максаттарды ишке ашыруу үчүн Фонд төмөнкү багыттарда иш жүргүзөт:

• Түрк маданиятын жана мурасын сактоо, коргоо, калыбына келтирүү жана жайылтуу үчүн каражат бөлүү;
• Түрк маданиятын жана мурасын коргоо, калыбына келтирүү жана жайылтуу боюнча илимий жана техникалык маселелерди чечүүгө көмөк көрсөтүү;
• Түрк маданиятын жана мурасын коргоо, калыбына келтирүү жана жайылтуу жаатында адистерди окутууну колдоо;
• Семинарларды, семинар-тажрыйбалык жолугушууларды, конференциялар, конгресс жана талаа изилдөөлөрүн уюштурууга жардам берүү, ошондой эле көргөзмөлөрдү өткөрүү;
• Электрондук жана басма илимий журналдар менен илимий басылмаларды даярдоого колдоо көрсөтүү;
• Конкурстар, фестивалдар, турнирлер жана башка иш-чараларды демөөрчүлүк кылуу;
• Түрк тилдүү калктар жашаган аймактарда салттуу кол өнөрчүлүк жана колдонмо искусствону жандандырууга, колдоого жана өнүктүрүүгө көмөк көрсөтүү;
• Кол өнөрчүлөргө, сүрөтчүлөргө жана башка чыгармачылык тармактагы адистерге интеллектуалдык менчик укуктарын коргоо боюнча жардам көрсөтүү.

Астанада өткөн Саммиттин чечимине ылайык, Фонддун алгачкы президенти болуп Элчи Гунай Афандиева дайындалып, уюм өз ишин баштаган.

Фонд түзүлгөндөн бери түрк тилдүү элдердин маданиятын сактоо жана жайылтуу, ошондой эле биримдикти чыңдоо максатында бир катар эл аралык конференциялар, көргөзмөлөр, форумдар жана башка иш-чаралар өткөрүлүп келет. Мүчө мамлекеттер жана башка өлкөлөр менен өнөктөштүктүн кеңейиши натыйжасында Фонд бир катар эл аралык уюмдар жана улуттук мекемелер менен Өз ара түшүнүшүү боюнча меморандумдарды түзгөн.

Кеңири маалыматты Фонддун расмий веб-сайтынан алсаңыз болот:  https://turkicheritage.org/