Түрк мамлекеттер уюмунун (ТМУ) Эмгек, Иш менен камсыздоо жана социалдык коргоо министрлеринин биринчи жолугушуусу алкагында, ТМУнун Башкы катчысы, Элчи Кубанычбек Өмүралиев Түркия Республикасынын Эмгек жана социалдык коопсуздук министри Ведат Ышыкхан менен эки тараптуу жолугушуу өткөрдү.

​Тараптар эмгек, иш менен камсыздоо жана социалдык коргоо тармактарында кызматташтыкты тереңдетүүнүн маанилүүлүгүн баса белгилеп, ТМУ аймагында инклюзивдүү жана туруктуу эмгек рынокторун түзүү максатында саясатты координациялоону күчөтүү жана биргелешкен аракеттерди илгерилетүү зарыл экенин билдиришти.

​Жолугушууда пландалган демилгелер талкууланып, жумушчу күчүнүн мобилдүүлүгүн жогорулатуу, кесиптик жөндөмдөрдү өнүктүрүү, социалдык коргоо механизмдерин кеңейтүү жана жалпы түрк мамлекеттеринде эмгектенип жаткан жарандарга колдоону күчөтүү сыяктуу жалпы артыкчылыктуу багыттарга токтолушту.

​Ошондой эле тараптар 2026-жылы Түркияда өткөрүлүшү пландалган ТМУнун Эмгек, Иш менен камсыздоо жана социалдык коргоо министрлеринин экинчи жолугушуусу даярдыктарды карап чыгышты.