Түрк мамлекеттер уюмунун (ТМУ) Башкы катчысы, Элчи Кубанычбек Өмүралиев иш сапарынын алкагында Мексикада аккредитацияланган ТМУга мүчө мамлекеттердин дипломатиялык миссияларынын жетекчилери менен жолугушуу өткөрдү.

Азербайжан элчилигинин демилгеси менен уюштурулган бул жыйын Түрк мамлекеттеринин ортосундагы кызматташтыкты чыңдоонун жолдорун талкуулоого, ТМУнун Мексикадагы таанымалдуулугун арттырууга жана аймактык өнөктөштөр менен келечектеги кызматташтык мүмкүнчүлүктөрүн изилдөөгө өбөлгө түздү.