Түрк мамлекеттер уюмунун (ТМУ) Эл аралык шайлоону байкоо миссиясы Кыргыз Республикасынын Жогорку Кеңешине мөөнөтүнөн мурда өтө турган шайлоону байкоо алкагында Көз карандысыз Мамлекеттер Шериктештигинин (КМШ) Эл аралык шайлоону байкоо миссиясы менен жолугушту.

Жолугушуу учурунда тараптар шайлоону байкоо процессинин алкагындагы координация, маалымат алмашуу жана шайлоого даярдык маселелерин талкуулашты. Жолугушууда ошондой эле, делегациялардын ишинин объективдүүлүгүн жана жалпы натыйжалуулугун камсыз кылуу максатында, жакшы координацияланган аракеттердин жана аналитикалык материалдарды үзгүлтүксүз бөлүшүүнүн маанилүүлүгү баса белгиленди.